mi kiersa

¡Indignante! El Papa dice que la violación de niños no es tan malo, era normal en su época -- Los Dueños del Circo -- Sott.net

2011-12-04T17:04:00.000-04:00

¡Indignante! El Papa dice que la violación de niños no es tan malo, era normal en su época -- Los Dueños del Circo -- Sott.net: http://es.sott.net/articles/show/2323-Indignante-El-Papa-dice-que-la-violacion-de-ninos-no-es-tan-malo-era-normal-en-su-epoca

spagetti cu lobstertail à la meunière

2011-04-22T10:18:00.000-04:00

LENGA DI BAKA STOBA

2011-03-27T15:21:00.001-04:00

LENGA DI BAKA STOBA TA UN CUMINDA MASHA DUSHI MES.
HOPI HENDE ASINA NAN TENDE DI LENGA NAN TA TREK CARA VIES.

E RESULTADO DI E PLATO AKI TA SUPER DUSHI.
CUMINSA NA LABA E LENGA CU AWA, PONE STEAM CU 3 TENCHI KONOFLOOK Y LAGE STEAM PA 35 MIN. SI TA UN LENGA GRANDI.

LAGE FRIA Y KITA E CASCA FEI RIBA DJE Y KITA E VET TAMBE BENTA AFOR.
DESPUES SLICE E POKO FIN

SI BO TA WAK VET MEMEI DI E CARNI BO POR HERBE AWA CAJENTE Y BASHE RIBA E CARNI PROME CU BO BAI CUSHINE.

AKI TUR LOCUAL MI A USA PA CUSHINA E LENGA ,

ESAKI TA TUR INGREDIENTENAN CU MI A USA PA STOBA E LENGA.

MI NO A TRAHA CU MIDI.

PA MAS INFO DI E RECETA MANDA UN

e-mail na infomikiersa@gmail.com

A LA CARGA CU E COMCOMBER

2011-03-20T09:04:00.007-04:00

BONDIA , MI A CUMINSA PA STEAM E RABO DI PORKO CU MI A FRESCA DI AYERA NOCHI .

MI A STEAM E PA 15 MIN.

AWOR MI TA SIGUI CU E CARNI BESTIA CHIQUITO TAMBE MESTER STEAM YA CU NOS TA BAI USA E CALDO DI E CARNI AKI NOS TA DRECHE CU SPECERIJ Y 1 BOUILLON DI COSTILLA PA NOS SACA MAS SABOR DI DJE.

AKI E TA PREPARA CU E SPECERIJNAN ,SIBOJO, KONOFLOOK, SELDER RUBIANO, UN PROMENTE DUSHI, Y UN PIDA PROMENTON. TAMBE PA DUNE UN DUSHI SMAAK MI A PONE UN 2 TBSP. DI ECHTE BOTER, NO LUBIDA E BOUILLON DI BO SMAAK.
E CARNI A STEAM PA 35 MIN. PERO PA 30 MIN TA NET E TEMPO CU E MESTER PA BIRA MOLI CABA. DUS DIMI A HERBE UN POKO DIMAS.

AKI TA MANTECA DEN WEA CU SIBOJO , PROMENTON, COMCOMBER, CARNI CU RABO Y COMCOMBER ARIBA Y DESPUES BASHA UN POKO DI E CALDO DI CARNI. LAGE CUSHINA CANDELA ABOW ORA E CUMINSA HERBE TAPE Y BAHA E CANDELA UN POKO.

SI BO POR TA INTERESA DEN E RECETA AKI MANDA UN MAIL NA

infomikiersa@gmail.com

BO TIN UN LACHI CU TA JENA CU JEN DI COS CHIQUITO

2011-03-19T17:47:00.000-04:00

SI BO TIN UN LACHI CU JEN DI ROMMEL P.E. PINES, CLABO, BOTON, ETC....
WEL SI BO TIN UN BAKI IJS CU BO NO TA USA MAS, WEL USE PESEI, PONE DEN CADA HOKI UN COS.
Y PONE DEN BO LACHI.
OPGERUIMD STAAT NETJES

MAJAN DEN CUSHINA MIKIERSA NOS TIN COMCOMBER STOBA CU PICTURES

2011-03-19T12:48:00.001-04:00

SUPER MOON AWENOCHI

2011-03-19T07:13:00.000-04:00

Pa prome biaha den 18 anja , e luna jen cu ta bai sali di oost lo ta un PERGEE luna jen, of un super luna.
Loke esaki kiermen segun NASA, cu e luna lo ta orbita mas serka di Mundo cu usualmente.

NASA ta bisa cu e luna lo aparece 14 porciento mas grandi y 30 porciento mas cla. Pero e pa capta e momento celestial aki, ta sinta na observa y wak na cielo na e momento corecto. Spera cu e cielo no ta nubla awenochi. Ya asina nos tin un mihor bista den cielo.

Hopi ta culpa e poder di luna pa desgracia cu ta pasa rond di mundo.
Pero e no tin nada di haber cu esei.

Loke si e ta trese cune ta cu lama ta subi den oceano Atlantico, Chesapeake Bay y e Riew Potomac

Chesapeake Bay ta net den un scrif di Costa di Merca cu ta rodea cu
Maryland y Virginia
Potomac ta bin desemboca den e Riew Chesepeake.

Ban spera cu e SUPER LUNA aki trese bon cos so pa nos Mundo.
Hasi bo deseo , ki bo kiermen cu mi a bira un "Lunatico" no corda cu ta te anja 2016 nos ta haja e chens pa wak e fenomeno. Pakico no !!!!!!

BO KIER PURBA DI GASTA MENOS Y SPAAR MAS E ANJA AKI ?

2011-01-03T12:06:00.003-04:00

ESAKI TAMBE TA RIBA BO LISTA DI RESOLUCION PA E ANJA AKI.

Wel cuminsa cu esaki.

1. Usa cash y bo gastonan lo wordo corta mas cu bo por kere. Con ?

Ora bo cumpra algo ta mas fasil pa bo swipe, pero bo a ripara cu bo ta swipe mas lihe cu bo ta saca cash.
Si bo tin e cash den bo cartera bo ta sinti di biaha ora bo sace pa paga. Paga cu un tarheta ta pospone e dolor y e preocupacion di e gasto. E ta bira algo pa bo worry cune despues,(si paso bosa cu tin placa riba dje toch pero e placa ei no ta di paga un debe cu bo tin? ) no un cos di worry awor cune. Pa bo stop di cumpra cos inecesariamente y coi kens of gasta placa pa loco, purba di usa solamente cash pa mas o menos 2 siman. Lo bo ripara cu lo bo gasta menos di lunch te pa cumpra impulsivamente. saca p.e. 100,= pa bo tin pa 2 siman.
CORDA E DICHO NA INGLES . " THE GUY WHO INVENTED POKER WAS BRIGHT, BUT THE GUY WHO INVENTED THE CHIP WAS A GENIUS" Awor bo sa pakico.

FELIZ ANJA 2011 PA E PUEBO DI ARUBA MI PATRIA STIMA.

2011-01-03T11:38:00.000-04:00

ATAKE TERORISTA NA NIGERIA A LAGA HOPI MORTO HERIDOS Y PANICO DEN E CIUDAD

2011-01-03T11:28:00.000-04:00

2010-02-12T22:21:00.000-04:00

2010-01-05T20:14:00.002-04:00

2010-01-05T19:59:00.000-04:00
There comes a point in your life when you realize who matters.
Who never did, who won't anymore, and who always will.
So don't worry about people from your past.
There is a reason why they didn't make it to your future.

PASENSHI

2009-12-14T18:15:00.005-04:00
TIN BIAHA PASENSHI TA ..........................

E DIA AWE.........

PASENSHI ?
PAKICO?
SI TEMPO TA BAI LAGA NOS................
KEN SA SI PA WARDA CU PASENSHI ................
NOS TA BAI .......................

SI PRESENTE TA PASADO

2009-12-14T18:00:00.005-04:00

LO MI TUMA TUR MI TEMPO
PA MI BUSCA E AMOR DI MI BIDA
LO MI PASA E DIANAN TA BISE CON HOPI MI TA STIME
LO MI A REGALE E MUESTRA DI MI AMOR PE NO UN NI DOS PERO CUANTO CU E KE.
SI PRESENTE TA PASADO

PERO COMO PASADO NO TA PRESENTE MAS
LO MI DUNE MI AMOR DEN PRESENTE Y DEN FUTURO
LO MI BISE TUR DIA NO UN NI DOS PERO DEMASIADO HOPI CU MI TA STIME
LO MI NO POR REGALE BIDA DI UN YUI, PERO SI MI POR DUNE MI BIDA HENTER

SI DEN PASADO MI NO A BUSCA E AMOR DI MI BIDA
DEN PRESENTE Y PA FUTURO MI A HANJE.

AWA TA JOBE

2009-12-13T07:52:00.002-04:00

Dushi awa ta jobe awe.
Pa diadomingo ta oke.
Mi ta spera cu pa majan e tempo ta habri cu e dushi SOLO bek.

KICO PASAMI ?????

2009-12-12T21:18:00.002-04:00

MI A KERE CU MI AWA DI WOWO A SECA HOPI TEMPO PASA
DI BIAHA CU BO A JAMAMI AYO
MI A SINTI CU MI NO POR WAK MAS
MI WOWO A JENA CU AWA
MI A SINTI CU MI NO POR PAPIA MAS
MI GARGANTA A HANJA UN KLOMPI DEN DJE
MI NO POR A TENDE MAS
MI HOREA NO POR A SCUCHA NI E SONIDO MAS DURO
ORA BO A BIRA BAI LAGAMI
MI A SINTI CU MI CURASON A KIBRA DEN DOS
Y MAS AWA A BASHA FOR DI MI WOWONAN
KICO PASAMI ................
MI A KERE CU MI AWA DI WOWO A SECA HOPI TEMPO PASA

TRISTEZA

2009-12-12T19:26:00.005-04:00
   E DIA AWE..........

   MI TA DESEA DI SINTI BO CALOR
   DISFRUTA DI BO LIPNAN
   Y DI BO SONRISA
   SINTI BO CUERO NA MI CUERO
   Y NO LAGA BO BAI NUNCA MAS

NO SINTI BO MAS CU OTRO PA NO PASA BO MESCOS CU ICARUS

2009-08-30T15:25:00.005-04:00

2009-08-17T11:32:00.000-04:00

MUSICA

BLAST FROM THE PAST

UN ARUBA UNI TA E CAMINDA PA PROGRESO PA NOS TUR.

2009-08-16T10:21:00.015-04:00

HASI USO DI BO DERECHO DI VOTO , PENSA BON Y NO VOTA
SEGUN TRADICION.
VOTA SEGUN NECESIDAD DI NOS PUEBLO Y PAIS.

Pensa den tur cos cu nos PAIS mester y loke nos hendenan mester.

Por ehempel: Aruba ta hopi sushi.

Hopi edificionan cu ta decai.

Pone un regla cu cada ciudadano mester cumpli cune di tene nan
tereno y rond di nan cas limpi.

Pone pa cada districto un grupo di trahadornan pa tene limpi.

Aki nos ta crea trabow pa nos hendenan.

Nos por duna nos hendenan cu ta pensionando of esunan cu no por hanja un trabow e tarea ei.

Mester di trottior pa e peatonnan na diferente caminda.

Awor nos tin mas hopi auto ta core y ta birando mas peligroso pa e peatonnan.

Mester parquenan cu nos por jena cu palo di mata grandi y tambe
cu mata di flor y cu yen di yerba berde, cu un

estanque cu pisca aden. Cu un lokal pa banjo.
Tur esaki ta pa nos futuro habitantenan por hasi uso di dje.

E ta sirbi pa nos hendenan bai picnic pa e mama nan por kiero
cu nan juinan.

Pa e tata por sinja su jui con pa tira y catch un bala.

Sinja nos juinan con pa core bisicleta. etc.........

Pa nos hubentud por sinja bow di un mata cu sombra.

Caminda nos grandinan por sinta riba un banki combersa cu otro.

Maestronan por cana kiero cu nan alumnonan.

Por duna hobennan den dia un side job di tene e park limpi y tambe di vigila pa destrucion no wordo

cometi ei den.

Asina tambe nos ta lanta y sinja nos hobenan cuida nos
Pais y sea responsabel. Dus aki tambe bo tin un punto

positivo.

Parti di anochi ta duna un homber e tarea di cuida nos parque.

Esaki ta djies un parti chikito cu por crea hopi punto positivo pa nos hendenan grandi y chikito.

Manda mi bo opinion y tambe bo idea nan, ainda nos ta na tempo
pa vota pa nos HENDENAN Y NOS ARUBA.

Corda cu Aruba ta di nos tur y no di e gobernante nan, nos ta vota
pa nan cuide y jude progresa.

NOS TUR TIN E MESUN DERECHO DI DISFRUTA DI UN ARUBA CU UN FUTURO DI BIENESTAR Y PROGRESO,

Y NO ESUNAN CU TA GOBERNA SO.

AMI NO TA UN POLITICO NI PARTIDARIO DI NIUN.

MI TA SIMPEL UN ARUBIANO CU KIER BON PA SU
PAIS Y SU PUEBLO.

Esaki ta pa awor pero pronto lo mi bin cu mas idea pa nos ARUBA Y SU PUEBLO.
PLS MANDA BO COMENTARIO NA: infomikiersa@gmail.com

GRUPO DI MAESTRONAN CU NAN ALUMNONAN

Bario jena cu casnan y curanan limpi.

Tips y Un Poco di Tur Cos

2009-08-11T21:37:00.003-04:00

Hallo, danki pa drenta den e seccion aki.

Aki tin algo pa tur hende. Tips pa cushina, pa bo kamber, garashi, pa den bo cura di cas, conseho di beyesa y hopi mas. Ya cu bo ta den ban explora kiko tin pabo.

Den e seccion aki mi ta bai duna diferente tips, y ideanan con y kico pa usa y hasi pa soluciona of remedia cualkier problema chikito den cas y rond di cas. Di e sistema antiguo (ouderwets ) mane nos ta bisa. Cosnan cu bo tin den bo kashi di cushina, p.e vinager, baking soda, salo, mayonaise, toothpicks of den bo lessenaar, whiteout, duct tape, y hopi mas. Productonan cu bo ta usa tur dia na cas warda den garashi of den bo caha di herment. Pues na bo alcance, cu na e momento ei por judabo soluciona of remedia e situacion te ora bo por cumpra un nobo. Aki lo bai tin un poko di tur cos.

Bo "KIER SA" loke ami sa ? Si bo tambe tin algun tips y bo kier compartie cu nos manda bo tips of surgerencia

2009-08-11T12:55:00.004-04:00

KOEKIE CU TA SMELT DEN BO BOCA.
Esaki ta un koeki fasil di traha .

3/4 cup di manteca dushi sin salo
1/2 cup di sucu di blancha bolo sifta ( confection)

1 telep di extracto di vanilla
1 1/4 cups di harinja blanco

1/2 cup di maizena of 1/2 cup di custard.
8 oz di candied cherries den mitar corta.

1. Pre- calenta e forno na 350 grado.
Prepara un baki di koeki cu vet of cu parchment paper.

2. Bati e manteca, sucu y vanilla te ora e ta cremoso.
Sefta hunto e harinja y e maizena; drei esaki den e mezcla di manteca.

3. Pone e mezcla aki den un aparato di pres koeki of den un spuitzak cu un
punta di 1/4-1/2 inch (fluted).

Spuit e mezcla den 1/2 inch diameter rosettes ariba e baki prepara, 2 inch
lew for di otro.

4. Pone ariba cada un e pida cherry corta.
Horne pa 10-12 min of te ora e koeki ta leve color oro y bros.

Y pone nan fria riba un wire rack.
Por nootjes den luga di e cherry tambe.

Of por pone nan mane sandwich cu un jam memei.
Por hasi diferente manera cu e koeki nan aki,
strooi sucu ariba of drizzle choculati ariba.

Idea: Traha nan y dorna den diferente manera pa fiesta di mucha.
Of pone 5 of 6 den un sakito pa bende.

Tene cuenta cu ora bo usa custard na luga di maizena e ta hasi e mansa mas suave dus ora e bai forno e ta baha, pa evita esei bo por pone den frig. un rato pa e bira poko duro y despues spuit e y pone den forno. Traha lihe cune.

BO TAMBE TA KERE CU TUR COS TA MENTE...........

2009-07-20T22:55:00.001-04:00

Ta nos mes ta creador di nos mundo.
A base di nos Pensamento y Sentimiento.
Pensamento ta real e tin influencia den bo mundo.
Bo actitud ta loke ta determina loke ta socode.
Kiermen cu mane bo ta pensa y sinti asina bo mundo ta.

PENSAMENTO + SENTIMIENTO = MANIFESTACION

Esaki ta LEY DI MENTALISMO.

BAN BEBE KOFFIE

2009-07-20T10:00:00.001-04:00

BIBA BO BIDA Y LAGA OTRO BIBA DI NAN. ESEI TA MI LEMA CU MI TA APLICA TUR DIA DEN MI BIDA. Y KEREMI E TA JUDA PA BIBA FELIZ.

2009-07-19T22:23:00.003-04:00

MAJAN TA OTRO DIA , BAN HASI ALGO BON CUNE.

BOLICHI E PUSHI MALCRIA Y AROGANTE

2009-07-19T13:42:00.000-04:00

BOLICHI OF BOLLI
"HEY MI TIN BASTA RATO TA WARDA CUMINDA .
PAPIA MENOS Y PURA CU MI CUMINDA."

UFO Below Barbury Castle Formation

2009-07-18T08:56:00.001-04:00
UFO Below Barbury Castle Formation

Shared via AddThis

MAS DESAYUNO FASIL Y LIHE DEN TUR SENTIDO DI PALABRA.

2009-05-17T18:55:00.000-04:00
"AVENA" OF CRIOLLAMENTE JAMA "PAPA" TA E CUMINDA MAS ENERGETICO Y VALIOSO DEN VITAMINA , MINERAL, FIBRA, CARBOHIDRATO Y PROTEINA Y ......
UN FUENTE DI ENERGIA, REDUSI COLESTEROL, BAHA PRESION HALTO, DESINTOXICA E SANGER, BON PA WESO DJENTE Y MUCHO MAS.

AMI TA COME ESUN DI MAISHI RABO CU TA CONTENE HOPI FIBRA.

1 CUP DI PAPA SEA MAISHI RABO OF PAPA QUAKER.
POCO FRUTA NA BANDA Y POCO JUICE SIN SUCO OF KOFFIE OF THEE.
HOPI ABOW DEN CALORIA , E ESAKI TA ALGO CU TA TENE BO STOMA PA BASTA RATO.

TRAHA CU LECHI 1.5 KOPI DI LECHI 2% VET
UN KRENCHI DI SALO,
2 CUCHARA DI MAISHI RABO MULA FINI
2 TELEPEL DI SUCO, CANE.
BATIE CU UN COS DI BATI WEBO (WIRE WHISK) Y LAGE CUSHINA CANDELA ABOW. SIGI BATIE CONSTANTEMENTE.

Awendia ta cuminda liher nos ta busca pa hasi un ta berdad?

2009-05-17T10:07:00.000-04:00

UN WEBO PA DESAYUNO?????

1 webo herbi no mucho duro of hase den pam spray of poached.
1 English muffin bruin (whole wheat) of 1 volkoren beschuit.
2 slice fini di manteca.
8 oz di juice di fruta preferibel sin suco.
Y claro e kofie of thee.
Un pida di fruta p.e. patia, poco druif, strawberries, milon.


Awendia ta cuminda liher nos ta busca pa hasi un ta berdad?

2009-05-17T09:31:00.000-04:00
Laga nos traha algun desayuno fasil pero bon balanza den vitamina y mineral.
CALORIA 300-400

1 kopi di cornflakes cu 8 oz di lechi esun cu tin 2% di vet so.
1 bacoba
koffie of thee of orange juice natural

bo ta hanja algo asina aki. mas o menos 320 calories.


Hey have a pleasant day

2009-05-17T08:41:00.000-04:00

Tirando un cabes

2009-05-16T17:58:00.000-04:00

PITA JENA CU "SHIRLEY'S TUNAFISH SALAD PIQUANT

2009-05-12T12:05:00.000-04:00

ESAKI TA TREMENDO.
MI COLEGA CU SU FAMOSO TUNAFISH SALAD

Corta lechuga na bo smaak pone hunto cune sibojo na renchi corta, promenton tambe mescos, tomati na bloki corta.
E Tunafish Salad ta fasil.
2 Tunafish di bleki cu awa ami ta usa (valrico) bon taste y bon prijs.
1 Tunafish di bleki esun cu ta pika (brunswick) Spicy Thai Chili.
un poco picalilly of mosterd
light mayonaise
pepper, onion pwd.
un poko pika di papaya
un krenchi di suco pa alivia e pika un poco.
Jena bo pita cu e lechuga e otro specerijnan y ariba dje e Tunafish Piquant.
Corda come un ijscream pa toetje.

UN PITA BREAD OF LORA DEN UN TORTILLA. HMMM..................

2009-05-12T10:43:00.000-04:00

UN IDEA PA ESUNAN CU KIER BAHA MAN NA PAN Y COME UN POCO MAS SALUDABEL.
PITA DI WHOLEWHEAT OF TORTILLA TA UN BON OPCION.
MI TA DUNA BO UN POCO IDEA CU KICO TUR BO POR JENA BO FAVORITO SEA PITA OF TORTILLA.

GALINJA A LA CAESAR

GALINJA CORTA NA PIDA SEA GEGRILL ARIBA E PLANCHI ESPESIAL PA ESEI, OF HERBI DEN CU BOUILLON TAMBE POR.
Corta lechuga, tomati, promenton, sibojo pone den un comchi cu keshi parmesan raspa of un otro clase di keshi cu bo tin. Pone un poco dressing di caesar. Yene den e pita bread of tortilla y pone bo galinja na bo gusto. Hopi light y saludabel.

Aki tin un manera pa bo traha bo Caesar dressing fasil si bo no tin.
1 kopi mayonnaise
1 tbsp lemon juice
1 tsp Worcestershire
1 pida konoflok corta chikito
1/4 tsp salt
pepper
1/2 c Parmesan cheese di boter of paki
1 tbsp di lechi (sin vet) of yogurt
mescla tur hunto y batie cu un cos di bati webo.

MUFFINS DI APPELSINA

2009-05-10T17:00:00.000-04:00

ALGO FASIL Y DIFERENTE PA COME MAINTA OF COMO CUPCAKES

CALENTA E FORNO NA 400 GRADO .
HUNTA 12 MUFFIN-PAN DI 2 1/2 INCH CU VET OF CU PAMSPRAY

INGREDIENTEN
2 kopi di harinja blanco sefta
1 kopi suco
3 telepel baking pwd
1/2 telepel salo
1/4 kopi lechi
2 webo, batie un poco
1/4 kopi azeta vegetal
1 telepel casca di apelsina rapa
1/4 kopi di juice di apelsina
Sefta hunto e harinja,suco baking pwd y salo den un komchi grandi.
Mezcla e lechi, webo, azeta, e casca raspa y e juice di apelsina den un envase. Pone tur di biaha den e mezcla di harinja drei suavemente cu un forki te ora e bira humedo. (E masa lo ta klompi) Cu cuchara bashe den e cups nan prepara jene 3/4 . Horne den forno cajente pa 20 min. of te ora bo wak cu e la bira color licht bruin of color goudachtig.
Sake for di forno y sirbie lauw .
Bon Apetit.

QUESILLO

2009-05-10T15:43:00.000-04:00

ESAKI TA UN RECETA SUMAMENTE SIMPEL Y DELICIOSO.

3 WEBO
1 TSP. VANILLA
1 TBSP. RUM OF WHISKEY
BATINAN HUNTO DEN MIXER UN RATO OF NA MAN.
PONE AWOR 1 BLEKI LECHI CONDENS GRANDI Y E MESUN BLEKI JENE CU AWA LAUW Y PONE ASERCA DEN E OTRO INGREDIENTENAN Y LAGE SIGI BATI PA UN RATO MAS PA 2-3 MIN.
PONE SUCU BRUIN OF BLANCO DEN BOM DI UN ORMA Y PONE RIBA CANDELA PA E CARAMELIZA ( UN TIKI AWA TA JUDA ) MOVE E ORMA PA E CARAMEL BAI NA BANDA TAMBE. BASHA E LIQUIDO DI LECHI ARIBA.
PONE DEN UN ORMA CHIKITO, MAS CHIKITO CU 1/2 LB.
PONE E ORMA DEN UN MAS GRANDI JENA CU AWA (ALA BANJO DI MARIA)Y PONE DEN FORNO PA 40 -45 MIN.
PAGA E FORNO LAGE 5-10MIN. DEN FORNO
ASINA CU E SALI PASA UN CUCHUW POCO POCO KITE FOR DI E RAND.
LAGE FRIA DEN COOLER HENTER ANOCHI DESPUES BOLTIE DEN UN SCHAALCHI CU UN RAND PA E SAUS.
PONE DEN FRIGDE.

BON APETIT.

SPINAZIE DIP

2009-03-31T12:54:00.000-04:00

SPINAZIE DIP
1 CUP DI MAYONNAISE
1 1/2 CUP DI SOUR CREAM
1 PAKI DI FROZEN SPINAZIE ONTDOOI E Y PRIMIE SACA SU AWA.
1 PAKI DI 1.4 OZ DI VEGETABLE SOUP AND RECIPE MIX DI LIPTON OF KNORR
1 BLEKI DI WATER CHESTNUTS DI 8 OZ, SCORE E AWA AFOR Y CORTE CHIKITO
3 SIBOYIN CORTA CHIKITO
DREI TUR COS DEN OTRO PONE FRIA

TUR CLASE DI DIPS.

2009-03-31T12:27:00.000-04:00

FRENCH ONION DIP

1/2 CUP MAYONNAISE
2 CUPS SOUR CREAM
1 PAKI FRENCH ONION SOUP AND RECIPE MIX MARCA KNORR of LIPTON
MESCLA TUR INGREDIENTE HUNTO, PONE FRIA.

AZETA DI OLEIFI

2009-03-29T16:09:00.000-04:00

AZETA DI OLEIFI
Ta juda saca bichi for di tripa.
Un vez pa dia un cuchara grandi durante di ocho dia, despues tene un pauze di dos luna.
Ta wordo usa pa kita cholesterol deposita den ader. Pa un laxante suave bebe na yuna un glas di awa lauw cu un theelepel di azeta di oleifi cu 1/2 lamoenchi chikito primi aden. E ta sirbi pa desolve kalki den organo tambe.Ta bon pa saca piedra for di riñon y higra tambe, e ta limpia higra y galblas. Usando e externamente e ta duna e cuero elasticidad. Ta bon pa kita dolor di reumatismo y e ta fortalece e cuero di cabes evitando caida di cabei. Massage e cuero di cabes pa 10 dia cu e azeta.
E foyo di oleifi ta baha presion e ta un diuretico natural y e ta regula colesterol y suco halto. Azeta di oleifi tin hopi uzo pe.E tin vitamina A, B, C, E y e ta contene mineral p.e calcium, hero, sodium, acido.
Mikiersa.com no ta para responsible pa mal maneho di producto mensiona aki den.
Corda cu tur hende prome cu cuminsa cu un diet of tratamiento, tin cu check prome cu su dokter kico e tin, y si e producto menciona ta bon pe uza.

REMEDI NATURAL / CASERO

2009-03-26T10:00:00.000-04:00

Remedi Natural / Casero

Remedi Natural ta ensera: Informacion tocante mata of jerba, alimento, fruta, vitamina, suplimento etc… cu por juda den caso di un malestar, malesa, uitslag, caida di cabei, cualkier otro problema cu bo salud interno of externo o un simpel incidente cu por pasa tur dia. P.e. un quemadura na stoof un corta na curpa un obheto stranjo den horea of wowo y asina nos por sigi menciona tur locual cu nos ta expone nos mes na dje tur dia.

Desde epoca antigua e ser humano y tambe animal a hasi uso di e remedi di tera pa trata nan malestar.

Prome cu bo trata bo mes cu remedi tera ta bon pa bo consulta cu bo dokter si bo ta sospecha cu ta algo mas serio bo por tin y cu mester di atencion cu otro tipo di medicina
Nota:
E intension no ta pa bo reemplaza bo remedi cu bo a hanja di un professional di medicina pa uso di e remedinan casero. Semper busca opinion di bo dokter of otro instancia di salud qualifica prome cu bo cuminsa cu un tratamento nobo, of si encaso bo tin pregunta tocante un condicion di salud. Jama (of bai) bo dokter di cas imediatamente si bo ta pensa cu bo tin un emergencia di salud.

SCORPIO

2009-03-22T13:50:00.000-04:00

PROGNOSTICO
Pa Scorpio
SCORPIO BO SIGNO SU ELEMENTO TA AWA

Bo mihor caracteristica ta amoroso, emotional, intuitivo,
imaginativo, cauteloso y simpatico
Un parti malo di bo ta cambia hopi lihe di pensamento, direpente bo por hanja beis, demasiado emociona, afera na algo y duro pa bo laga bai.
Bo palabra mas usa ta: mi ta sinti
E scenario pa e siman aki ta e nesecidad of demanda di un amigo of miembro di famia.
Segur cu bo ta un persona generoso,pero esaki ta bayendo fei man. Un palabra falso por crea confusion y desorden. Bo abilidad di comunicacion y intuitivo ta hopi fuerte.
Un partner di bo por juda bo, bo lo tin claridad mental exceptional e luna aki. Bo tin e abilidad pa calma asta e bestia mas salvahe, bo yuinan of amigo. Muchanan lo stima bo e luna aki y nan lo ta hanja dushi pa ta rond di bo. Dies ta bo mes, corda cu un rato bo ta bon y den un rato bo a cambia. Bo ta gusta combersa , pero porfavor cumunica cuatelosamente, cada letra lo wordo investiga. Den e caso ei ja bo sa mihor bo papia menos cu di mas. Prepara bo contestanan delanta. Scucha bo voz interior , negocia y compromete. Bo ta bon hende, circumstancia di bida ta pone bo cambia loke, mi por conseha bo ta sea alerta pero keda cu bo ternura y bondad.
CONSEHO: Conta te dies of mas si bo mester pero keda positivo
y lo bo hanja algo bunita bek.
NUMBER DI LOTO; 6-18-25-27-30

GEMINI

2009-03-22T11:39:00.000-04:00

PROGNOSTICO
Pa Gemini

GEMINI BO SIGNO SU ELEMENTO TA AIRE
Bo mihor caracteristica ta bo gran capacidad pa cu comunicasion y
bo ta un persona sensibel, hopi adaptabel, eloquente , intelectual.
Un parti malo di bo ta nervioso, tenso, inconsistente, y sensibel.
Bo palabra mas usa ta: mi ta pense
E scenario pa e siman aki ta bo tremendo abilidad pa keda altanto di tur cos.
Tin biaha ta dificil pa bo focus ariba un solo cos. Bo espirito indepediente lo juda bo hanja un plan perfecto pa exito. Bo lo bai tin cu deal cu hende importante den negoshi y profesional. Una bez cu bo dicidi ki of cua action bo tuma lo bo bira mas confidente den bo mes y mas fuerte. Bo mester wak situacionan for di diferente perspectiva. Un variedad di perspectiva ta mas mihor cu un strategia rigido. Bo mester stop di pensa riba detajes nan cu bo lo kier den bida, bo mester habri bo mente pa un caminda mas constructivo cu e posibilidad cu bo por kies un accion cu pa awor bo mester tene bo mes na dje y despues bo por habri bo hala pa e detajes nan cu lo bo bai scohe pa jena bo bida cunan. Kwida bo curazon di hendenan envidioso.
COSEHO: Sigi come saludable y no laga niun hende kibra bo sonjonan.
Number di lotto 11-12-23-27-33

TAURUS

2009-03-22T11:09:00.001-04:00

PROGNOSTICO
Pa Taurus

TAURUS BO SIGNO SU ELEMENTO TA TERA
Bo mihor caracteristica ta indepediente, creativo, emotionalmente sensitivo.
Un parti malo di bo ta jaloers y posesivo, rencoroso , inflexibel, obsesiona compulsivamente cu hygiene.
Y bo ta tuma tur cos personal.
Bo palabra mas usa ta: mi ta hasi, ami ta
E scenario di e siman aki ta amistadesnan pega, coleganan y bo abilidad
pa usa bo influencia positivo pa negocia.Sea consiente di bo donan
cu bo ta poseé y usanan inteligentemente.
Tin persona cu kier influencia bo pa gamble.
Maske cu bo streanan di suerte lo gia bo otro lo envidia bo. Corda si ta esei bo scohe e siman aki pa hasi pone un suma chikito so pa gamble.
Bo tin bastante pa saka pa cosnan nesesario. Keda riba bo punto cu ta un bon decision cu bo a tuma y keda den bo sapato pa cu discussion cu por surgi pa bo por “make your point”Bo tin cu gusta loke bo ta hasi y tuma e banda lihi di e cosnan, lo bo sinti bo mihor cu e resultado.Relacionan tenso lo cuminsa bira mas comfortabel, una bez bo realiza cu no ta tur cos bo mester controla, lo bo sintibo mas responsabel pa e cosnan cu si bo mester controla. Tempo ta bo amigo y no bo enemigo, si bo por traha cune den un manera madura. Accionan impulsivo tuma awor lo complica situacion. Ta rasonabel pa bo hasi un movecion cu ta na bienestar di bo famia sea hopi cauteloso y paciente cu otro.
Corda un cos, cu miedo ta loke ta hasi bo cabes duro ariba cierto cosnan.
CONSEHO: No usa of hasi cos cu ta hasi bo malo.
Number di lotto 04-06-08-12-33

ARIES

2009-03-22T10:57:00.000-04:00

Prognostico
PA ARIES

ARIES BO SIGNO SU ELEMENTO TA CANDELA
Bo mihor cararacteristica ta corahe, bo ta un born leader
Y un persona cu ta gusta retos.
Un parti malo di bo ta cu bo no ta gusta caba cu loke bo a cuminsa.
E scenario di e siman aki ta ensera un get together di
amigonan y amistadesnan serca dibo.
Bo lo bai ricibi invitacion pa bai un fiesta cu bo guy of bo casa.
Manda tarheta y duna regaldo. bo por intensifica bo amistad
Y hasi conosi cu amistadesnan nobo.Bo sa kiko bo tin,
pero últimamente bo ta sinti bo hopi so. Kibra e rutina biew.
Y cu un poco di esfuerzo di bo parti,lo bo vence cualquier obstáculo.
Ora bo ta deal cu individuo ,grupo, of asocacionan tene pasenshi,
y no pusha cu bo ideanan.
CONSEHO: Bo lo sinti hopi mihor si bo por perde poco peso.
Number di lotto 6-13-19-25-33

Banana cu saus di crema

2009-03-21T16:53:00.000-04:00

pa 4 persona- tempo 25 minut
Increibelmente DUSHIIII....... y bo mes por wak con poco tempo tuma pa e preparacion.

Ingredientenan:
2 banana medio hecho of 4 bacoba geel
3 cuchara di margarina of manteca dushi
¼ cup bon gepak di sucu bruin
1 theelepel vanilla
¼ cané na puiro
2 cuchara di noot pecans, walnuts of almond getoast y garna
½ cup di crema espesa( heavy cream)

1. Pela e banana y slice nan estilo bais ( rondo schuin ) ½ inch diki mas o menos 2 cup.
2. Dirti e margarina of manteca den un planchi grandi. Agrega e banana of bacoba.
Laga e banana kenta te ora nan ta cajente y suave, (pa e banana 5 minut y e bacoba pa 2 minut)
drei e un poko. Strooi e sucu bruin. Drei e suave te ora e sucu dirti.
3. Poco poco basha aden e vanilla y e cané. Y strooi e cu noot. sirbie di biaha cu crema ariba.

Bon apetit

PINEAPPLE CREAM GATEAU

2009-03-21T15:42:00.000-04:00

Pa e PANLEFI:
6 webo, separa dor y blanco.
2/3 cup di sucu granula (150g)
1 cup di harinja blanco (100g)
1 telep di baking powder
1/2 cup cocoa powder sin suco
1/2 cup di almendra mula (50g)
4 cuchara di manteca (50g)

E rejeno y e adorno ariba :
1/4 cup maizena (25g)
2/3 cup plus 1 cuchara di suco granula (160g)
2 cups plus 2 cuchara lechi (500ml)
1 cup plus 2 cuchara manteca (250g)
1 cuchara di rum
7 slice di pineapple
3/4 cup almond getoast y geslice (pone nan de un planchi pa horna cooki y toast nan 10- 15 min. na 300° F)
7 cherries corta den mitar

Hunta un orma typo cu e bom ta los (springform) 10 inch 0f 25 cm orma di bolo cu pamspray of manteca y sende forno na 375° F (190° C)

Procedimiento pa traha e bolo: pone e 6 dornan di webo y 1/3 cup di e suco den un komtchi grandi.
Batié den mixer te ora e bira diki y cremoso, 5 pa 10 min.
Bati e blanco di webonan te e punto stijf.
Gradualmente bai agregando e restante di suco cual ta 1/3 cup den e blanco di webo.
Sefta e harinja e baking powder y e ½ cup di cacao.
Mix e almendra mula den e harinja
Awor bai bruhando poco poco e mezcla di blanco di webo den e mezcla di dor di webo.
Poco poco bruha e mezcla di harinja aden.
Smelt e 4 cuchara di manteca; lage fria levemente.
Drei e manteca den e mezcla di bolo. Bashe den e orma.
Y lage horna pa 35 – 45 minut. Of te ora bo prik e memei cu un satestok y e sali seco.
Lage fria den e orma un rato, y después boltie ariba un rack di hero lage fria ful.
Procedimento pa e rejeno y e adorno : bruha den un komtchi mediano un poko lechi den e maizena cu suco.
Kenta e resto di lechi den un paila. Drei e lechi cajente den e mezcla di maizena. Pone bek na candela y lage herbe, drei e constantemente pa e no kima. Lage herbe te ora e bira diki. Pone bek den e komtchi y keda drei e.
te ora e fria. Bati e manteca cu e rom den un komtchi mediano te ora e hanja un color cla y cremoso.
Bai agregando e mezcla di manteca den e crema di maizena cu a fria batiendo bon después di cada bes cu bo ta bai bashando.
Corta e bolo cu a fria den 3 slice horizontal. Corta e slicenan di pineapple den bloki y reserva 14 pida pa adorno.
Hunta e bom di e bolo cu poko crema di manteca. Drecha e blokinan di pineapple ariba e crema y pone poco crema ariba nan. Pone e di 2 slice di bolo ariba y hunte tambe cu e crema, y pone e di 3 slice . Hunta e rand y e top di e bolo cu un capa fini di e crema. Pone e resto di crema den un spuitzak. Cubri e bolo cu e almendra getoast. Y spuit 14 rosettes di crema rond di e bolo. Pone un pida y mitar cherry riba cada rosette.

AROS CU LECHI

2009-03-21T15:38:00.000-04:00

3 cups (6 persona)- tempo 10 minut
Esaki ta baha bon despues di un cuminda pika

Ingrediente nan:
½ cup di rasenchi geel.
¼ cup di rom
3 cups di lechi
½ cup aros (long-grain) sin cushina.
1 palito di cané di 3 inch
¼ cup di sucu granula
1 theelepel vanilla
cane na puiro

Preparacion:

1. Den un komtchi chiquito pone hunto e rasenchi y rom y pone un banda.
2. Den un paila mediano di hero pone e lechi, aros y e palito di cané.
Pone nan herbe. reduci e candela y lage cushi cu tapa, pa mas o menos 20 minut of
te ora e aros bira moli. Saka e palito di cané
3. Cola e rasenchi for di e rom. Drei e rasenchi, sucu, y vanilla den e mezcla di aros.
Strooi e cane na puiro. bo por sirbie lauw of friew.

Bon apetit

Quesadillas

2009-03-21T15:26:00.000-04:00

Esaki ta mescos y mesun dushi cu esun di E FAMOSO APPLEBEE"S RESTUARANT
Un di e "appetizers" mas popular di e restaurant. Ami ta trahe riba un casuela cu mi tata a traha pami di tempo di LAGO, e ta campion, danki papa....

Ingrediente nan:
2x 10-inch tortilla di harinja
2 cuchara di manteca suave
1/3 cup keshi Monterey Jack1/3 cup keshi Cheddar mula
½ tomati corta chikito
2 telep di sibojo corta na bloki
promente jalapeño geslice
bacon hasa
cilantro fresco corta chikito
salo

Preparacion:

Pone un planchi of griddle, na candela mediano. Hunta un tortilla cu manteca of hasie menos vet cu pamspray y pone riba e planchi e babda hunta cu manteca aboa y pone e keshi nan, no pone mucho na e rand. Spreid e sibojo y e jalapeño ariba e keshi. Kibra e bacon hasa ariba, pone e cilantro y un tiki salo ariba.
Pone e otro tortilla cu e banda hunta cu manteca ariba. Laga esun di aboa kenta un rato mas 40 sec. of mas y bire pa e otro banda lage tambe 40 pa 90 seconde.
Ora e ta cla pase riba un tabla of tayo y corte mane un pizza cu un pizza cutter of cuchuw.
Sirbie cajente cu sour cream, guacamole of un salsa

Bon apetit

BATATA HORNA FASIL

2009-03-21T13:49:00.000-04:00

Ingrediente nan:
2 batata pa horna.
3 cuchara di manteca of manteca dushi ( butter )
1/2 telep di salo
1/2 telep di pepper
1 cup di sour cream
1/2 cup di keshi cheddar sauve raspa.
Olive Oil

Preparacion:
laba e batata nan bon y prike nan cu un forki y pone nan den microwave pa 5 minut.
Esaki ta pa djis hasi e tempo den forno menos.
Hunta e caska nan cu olive oil y pone nan den fornu na 350o F
riba un baki plat y lage nan horna pa 40 - 45 minut.

Ora nan ta cla corta un tapa chiquito ariba cada batata y saka e paden di e batata
cu un cuchara lagando e caska cu un rand di batata.

Pone den un bowl e batata (rejeno):
e salo, e pepper, sour cream y e cheddar cheese.
Mescla nan bon den otro y jena e caska bek (dreche na smaak).
Pone poco cheddar cheese riba cada uno.
Pone nan den forno pa 10 minut.

Ora nan ta cla pone poco sibojo largo corta chiquito ariba.

Bon apetit

RECETA COPYCAT

2009-03-21T13:35:00.000-04:00
Den e seccion aki bo ta hanja receta nan di restaurant nan rond di mundo cu a bira famoso.

BABYBACK RIBS Tony Romas

Esaki ta un di mi favorito hmmm.... hopi dushi y mescos cu esun original.
Bo ta cuminsa pa traha e saus cu a hasi e restaurant famoso......

pa e BBQ SAUS:

1 cup ketchup
1 cup di vinager destila
½ cup dark corn syrup
2 teelepel di sucu
½ teelepel di salo
¼ teelepel di konoflok na puiro
¼ teelepel di sibojo na puiro
¼ teelepel di tabasco hot saus

Combina tur e ingrediente nan pa e saus den un paila y usa un wire whisk pa mezcla nan hunto, te cu e bira sauve. Ora e saus cuminsa herbe baha e candela y lage sigi cushina sin tapé.
Den 30 pa 45 min., ora e saus bira diki kité for di candela. Si bo kier e saus mas diki lage kenta mas, y si bo hasie mucho diki basha un poko vinager aden.

Preparashon:
Bo ta bai tin mester di 4 liber di baby back pork ribs of usa esun gewoon pork spareribs.
Pone e forno na 300° F.
Hunta cada un di e bara nan di spareribs cu e saus di bbq y lora cada un den un pida foil cu ta mas cu 6 inch mas largo cu e bara. Lore bon sera.
Pone e bara nan lora den un baki plat di horna y pone nan den forno pa 2 te cu 2½ ora of te ora bo wak e carni ta krimp na e weso. E tempo aki ta bai hasi e carni moli moli cu ora bo bai come e ta kita fasil for di e weso. Despues di esaki saka nan for di e foil, hunta nan un biaha mas cu e saus y pone nan riba grill of den broiler di stoof y lage mas of menos pa 2 pa 4 minut.
Sirbie cu e saus, coleslaw, batata horna.

nota: Bo por pone riba gril e sigiente dia tambe, simplemente lage fria y warde den frigidaire.

Bon apetit

GUACAMOLE

2009-03-21T13:26:00.000-04:00

Esaki ta un reseta di e site weekend grillers.
Mi a purbe e ta bon mi a usa cilantro fresco

Ingredientenan:

2 awakati hecho
1 sibojo corta chikito
1 sibojo largo corta chikito
½ cup di sour cream
½ theelepel di cilantro mula of fresco
½ theelepel di chili puiro
Salo y pepper na gusto
Pika

Cu un forki machika e awakati y combina tur e otro ingredientenan.
Bon apetit

FLAN

2009-03-21T13:18:00.000-04:00

6 persona - tempo 30 minut pa prepara-30 minut pa horna
Una bez bo purbé lo bo keda trahé

Ingrediente nan:

1/3 cup di sucu
3 webo (bati nan)
1 bleki lechi evapora di 12-ounce (1½ cups)
1/3 cup sucu
1 theelepel di vanilla
¼ cup di sucu granula
fruta (kiwi, strawberry, bacoba, rasberry)

1. Cuminsa na dirti 1/3 cup di sucu, den un wea di hero ariba candela medio-halto te ora e sucu cuminsa
dirti , sacudiendo e wea ocasionalmente. No drei é. Asina cu e sucu a cuminsa dirti baha e candela ful
te ora ( 5 minut) tur e sucu a smelt y a bira color oro bruin. Awor si bo ta drei é si mester cu un cuchara
di palo.
2. Kita e wea for di candela y di biaha basha e suco caramel den un 8-inch orma di flan of un 8 x 1½ inch
orma di rondo di horna. Tambe bo por dividi e caramel den 6x 6 inch orma di custard. Traha lihe drei e
pa e tapa e bodem di e orma ful. Lage fria.
3. Den un mixing bowl mediano pone e webo nan, e lechi, e otro 1/3 cup sucu, y vanilla.
4. Pone e orma (nan) den un baki di horna mas grandi ariba e reki den forno.
Basha e mezcla di webo den e orma (nan) .Basha awa cajente den e orma grandi, te mas o menos, pa e
jega na mitar di orma jena cu e mezcla. A la Bain-marie.
5. Horna na 325° pa 30-35 minut si a usa un baki so.
Pa custard cups lage pa 35-40 minut of te ora bo hinka un cuchuw aden y ta sali limpi.
Di biaha saca e custard for di e bain-marie. Fria nan ariba un reki di hero. Tapa nan y pone den
koelkast pa 4 - 24 ora.
6. pa saca e flan nan for di e orma pasa un kuchuw na rand ful pocopoco pa aire pasa aden.
Y boltié pocopoco den e tayo cu bo ta bai sirbié.

Bon apetit

BUFFALO WINGS

2009-03-21T13:09:00.002-04:00

Ingrediente nan:
Sende fornu na 400° F.
24 Chicken wings

1/2 cup Manteca (margarina) Moli

4 Cuchara di Tabasco

1/4 telep di Cayenne pepper

4 Cuchara di Soy sauce

1 cup di Sucu Bruin

6 Pida Konoflok corta chikito

Preparacion:
Pone e hala nan den un baki di horna. Den un mixing bowl, combina e manteca, tabasco, cayenne pepper, soy sauce, sucu bruin y konoflok. Mescla esaki nan bon.

Basha e saus riba e hala nan mesclando nan bon.

Horna nan pa 40-45 minut of te ora nan ta bon bruin. Basha e saus riba nan cu frekuencia.
Djis prome nan wordu sirbi, basha e resto di sause riba nan, broil nan pa 1 minut te ora nan bira bros.

Sirbie cu celder y carrots corta na sticks hunto cu un tiki Blue cheese dressing.

Mmmmmm.. sabroso.
Facil y dushi.

NASIGORENG

2009-03-21T13:04:00.000-04:00

Ingrediente nan:
3 Cups di aros blanco.
Si bo ta desea aros bruin tambe ta bon.
400 gram di carni porko (porkloin) of galinja herbi.
1 sacu di boemboe nasigoreng den 100 ml/3 oz. di awa lauw.
1 sibojo mediano.1 prei (leek) corta na renchi.
algun sibojo largo corta fini fini.
2 wortel corta na estilo julienne.
3 webo.
100 gram di bacon of ham of tur dos.
Azeta, salo, Sambal oelek, Ketjap Manis.
Preparacion:Cuminsa pa herbe e aros (3 cup di aros den 5 cups di awa)Hasa den un poco azeta e ham of e bacon (si bo usa bacon pone menos azeta)Pone e carni porko of e galinja herbi corta na dow (pecho ta un bon opcion) y laga nan hasa. Si ta carni porko anto lage hasa un poco mas cu e galinja.Pone aserca e sibojo y e wortel. Lage hasa un rato so, y pone e boemboe nasigoreng cu mientras tanto a absorba e awa. Kibra e webonan un pa un y drei e bon p'e hasa den e fritura. E webo tin cu seka.Basha awor na bo smaak ketjap, cuminsa cu 2 cuchara y un tiki sambal oelek (e ta pika paga tino)Pone aserca e prei corta na renchi y awor e aros y lage keinta.Si bo ta desea bo por pone mas ketjap y tambe blacksoy tiki tiki pa bo no sale.Strooi e sibojin ariba ora e ta kla. Bo por pone cabaron of otro ingrediente cu bo kier aden.Sirbie na banda cu Atjar Tjampoer y kroepoek.BON APETIT !!!!!

Cole Slaw

2009-03-21T12:46:00.000-04:00

Esaki bo por traha mainta of 1½ ora prome cu sirbie.

Den un komtji grandi bo ta mix pa e dressing:
1 cup di mayonaise
2 cuchara di lechi (of mas segun gusto)
2 cuchara di binager di salada
1½ telep di sucu
½ telep di salo
⅛ telep di black pepper
1 kool mas of menos 8 cups corta na repi fini
1 wortel grandi raspa fini fini
mesclanan den e dressing
esaki ta e receta basico pa coleslaw, bo por varie cu bo propio ingrediente nan, creando asino bo receta.
pone den frigidaire p'e trek.

Bo por pone ariba hamburger tambe
of ariba frekedel den pan.

Hmmmmmm...... dushi y fasil